التجمع الثالث لسيارات هوندا بجده

[K H A @ L I D]

السلام عليكم ورحمة الله وبركاته

شباب كيف حالكم ؟

عندنا تجمع يوم الخميس 19/5

والا يبغا يجي الله يحيه بس يلتزم بالشروط

اولا : التجمع يشمل سيارات هوندا المعدله شكليا وميكانيكيا ومن أي نوع او موديل .

ثانيا : التجمع لشباب جده ومكه والمدينه يعني يشمل جميع المدن

ثالثا : عدم حضور السيارات المفقعه او منتهية الصلاحيه وتعديل رياضي الله يحييه .

رابعا : التفحيط + رفع الصوت + تدبيل الدعسه ومصاريف = ممنوووووووووووووع اي واحد يسوي شي زي كدا نقولو مع السلامه ..

خامسا : بعد ماتوقف سيارتك زي مايقلك المنظم الرجاء الرجاء تبعد عن سيارتك عشان تتصور احلى صوره ... مو نقعد نقول بلله تعال كدا روح هنا معليش قدرووو الناس اللي بتصور ...

سادسا : لا يجي أحد يفتي ويوقف بكيفه او يحقر او ينظم بكيفه وقف وخليك في حالك لأنه في ناس كتير بتحب تفتي صح برضوووو ممنوع ..

سابعا : الرجاء من الكل إحترام الأخرين والتعاون عشان التجمع يطلع حلووو وسريع والألتزام بكلام المنظمين ..

ثامنا : الاستوكات اللي بوديهم نظيف وشد بلد الله يحييهم لهم مكاااااان خاص .

المنظمين هما :::

تركي زكي وخالد البلوشي+ محمد حجازي + هتان من المدينة ..

التجمع سوف يكون يوم الخميس الموافق 19/5/2011 الساعه 11:30 مساء في مواقف جرير مول والله يحييكم جميعا

ملاحظه : اللي عنده ملاحظه يكتبها ولايستحي الله يحييه واللي عنده شي يبغى يقوله الله يحييه

تحياتي
خالد

[أحمد باقاسي]

ماشاء الله تبارك الله
وان شاء الله يكون تجمع
رائع وحلو وجميل
ونشوف حضور قوي من محبي وعشاق هوندا


وتمنياتي لكم بالتوفيق

[Ayman Edrees]

ما شاء الله

موفقين وإن شاء الله يكون تجمع مرتب ومميز بعيد عن المشاكل

بس لاتنسو التغطية الحلوه والتصوير

تقبل تحياتي

[TURKY ZAKI]

إنشاءالله يارب .......... بس فين أصحاب الهوندات ....غريبه

[TURKY ZAKI]

41 lمشاهد و3 بس اللي ردوووو يهووووووووووووو